الاسترجاع والاستبدال

التوصيل بياخد قد إيه

• القاهرة الكبرى: من 48 لـ 72 ساعة.
• محافظات الوجه البحري: من 3 لـ 4 أيام.
• محافظات الوجه القبلي: من 4 لـ 5 أيام.

التوصيل للقرى صعب، فبنسلّم في أقرب نقطة داخل المدينة، وبنتفق معاك على المكان قبل ما نتحرك.

عاين طلبك قبل الاستلام

المندوب هيستنى لحد ما تفتح الشحنة. اتأكد من المقاس واللون والمنتج نفسه. لو فيه أي حاجة مش مظبوطة، رجّع الشحنة مع المندوب ومش هتدفع حاجة، ولا حتى مصاريف الشحن.

14 يوم للاسترجاع أو الاستبدال

تقدر تطلب استرجاع أو استبدال أي منتج خلال 14 يوم من يوم ما استلمته.

لازم المنتج يرجع بنفس الحالة اللي وصلك بيها: مش مستعمل، ومتغسلش، وفي تغليفه الأصلي.

لو الغلط عندنا

بنتحمل الاسترجاع بالكامل لو المنتج:

• فيه عيب صناعة
• مقاسه مختلف عن اللي طلبته
• مش مطابق للوصف أو الصور اللي على الموقع

ولو ظهر عيب بعد ما بدأت تستعمل المنتج، بلّغنا خلال 3 شهور من الاستلام وهنراجع الموضوع معاك.

لو غيّرت رأيك

تقدر برضه ترجّعه خلال الـ 14 يوم، بشرط يكون مش مستعمل وفي تغليفه. في الحالة دي بتتخصم مصاريف الشحن الخاصة باستلام المنتج منك من قيمة المبلغ المسترد.

إزاي تطلب استرجاع

كلمنا أو ابعت واتساب على 01017159471 ومعاك رقم الطلب (بيبدأ بـ SS-)، أو ابعت إيميل على info@sleepstationeg.com.

1. مندوب بيستلم المنتج منك خلال 3 أيام عمل من طلبك.
2. بنفحص المنتج خلال يومين عمل من وصوله لنا.
3. بنكلمك بالنتيجة ونرجّعلك فلوسك.

ولو الفحص طلع إن المنتج سليم ومفيهوش العيب اللي اتقال، بنرجّعهولك تاني ومش بيتم استرداد المبلغ. بنكلمك ونقولك النتيجة قبل ما نعمل أي حاجة.

إزاي فلوسك بترجع

بتختار واحدة من اتنين:

• استرداد المبلغ على حسابك البنكي أو محفظتك، خلال يومين عمل من الفحص.
• رصيد شراء بقيمة 120% من اللي دفعته، تشتري بيه أي حاجة من الموقع. يعني منتج بـ 1,000 جنيه يبقى رصيد بـ 1,200 جنيه.

ولو دفعت بالكارت، ممكن المبلغ يرجع على نفس الكارت. المدة بيحددها البنك، وغالبًا من 7 لـ 14 يوم.